LIKE MY PAGE ON FACEBOOK | PHOTO QUOTES »

Tuesday, September 20, 2011

MAAGANG SULAT PARA SA AKING MGA INAANAK

Mga Minamahal Kong Inaanak:
Alam ko, masiyadong maaga pa ang sulat kong itong. Ngunit alam kong walang kasiguraduhan ang buhay. Kaya sa pagsapit ng Disyembre, ayokong masiyadong mataas ang pag-asa niyo na makita ako. Ngunit sana, malaman niyo na gustong gusto ko kayong makita. Pero, may mga pangyayari lang na di ko inaasahan. Eto ang mga maaaring dahilan na wala ako sa Disyembre o hindi ko kayo makita.

1)      May Superpowers ako. Nitong taon lang na nalaman ko ito. Pag malamig ang panahon, nagiging invisible ako. Yun ay isang pangyayari na di ko mapigilan. Panu ko mabibigay ang inyong mga aguinaldo kung ang buwan ng Disyembre ay napakalamig. Kaya nga pag nag-mall ako o pumapasok fast foods, bigla na lang akong nawawala o nagiging invisible. Kagaya ni Jessica Alba sa Fantastic Four.
2)      Meron akong problema sa pandinig. Pag nakakarinig ako ng christmas songs, nabibingi ako. Kaya pala nung minsan, may mga bata sa harap ng bahay namin, akala ko pinagkakatuwaan nila ako kasi para silang sumisigaw pero wala akong naririnig. Nung umalis sila, saka lang sinabi ng kapatid ko na nangangaroling sila. Naulit ang mga pangyayaring ito. Nagpatingin ako sa doktor, ngunit wala silang makitang depekto.  Nakapanlulumo.
3)      Pinaaalalahanan ko din kayo na ang pinakamagandang regalo sa pasko ay ang makasama ang pamilya. Kaya imbes na lumabas kayo ng bahay, be with your family and feel the spirit of christmas. Walang pinakamagandang regalo kundi ito.
4)      Sumama ako sa kilusan, kaya ngayon nasa bundok ako. Kahit mahirap ang internet connection dito, ginawa ko ito para sa inyo. Gusto ko kasing sundan ang yapak ni Javier sa Minsan Lang Kitang Iibigin. Hahanapin ko din ang mga tunay kong mga magulang. Yayaman din ako at mabibili ko kayo ng mga mamahaling laruan. At nakikipaglaban ako para sa inyong kinabukasan sa bayan na ito. Ginawa ko ito, dahil kayo ang iniisip kp. Kung makita niyo man ako sa ating bayan, wag niyo kong lalapitan. May mga sumusunod kasi sa aking mga militar, at ayaw ko kayong madamay. Ganun ko kayo kamahal.
5)        Gusto kong matutunan niyo ang pinakaimportanteng kaugalian sa lahat. Ang pagtitiis o pagpapasensiya. Di ba nga, PATIENCE IS A VIRTUE? Gusto kong mahubog ang inyong pagkatao sa kaugaliang ito.

Hanggang dito na lang mga mahal kong inaanak. Tandaan niyo na lagi kayong nasa isip ko. LOVE YOU! MWAH TSUP! INGAT. J

YOUR GODPARENT,
VHONSKALL

0 comments: