LIKE MY PAGE ON FACEBOOK | PHOTO QUOTES »

Friday, July 8, 2011

DEAR BESTFRIEND.... --vhonskall

Dear Bestfriend,
Dinaan ko na lang sa sulat, kasi wala akong lakas ng loob na sabihin sa’yo to ng harapan eh. Masiyado kasi akong mahiyain.
Matagal na kitang gusto. Gusto kita sa kung ano ka, kung anong meron ka, at kung anong wala ka.
Napamahal na ko sa’yo kaya nga ngayong magtatapos na tayo, sobrang nalulungkot ako. Ikaw kasi ang aking kaligayahan. Ikaw yung taong lubos na nagpasaya sa akin.
Yung nararamdaman ko sa’yong pagkagusto, nagsimula ito nung mapansin ko nung first year natin sa college, nandun ka lang sa upuan mo at tahimik, ayaw mo atang makipagbonding. Nilapitan kita at kinausap, tinanong ang pangalan mo. Wow! Di ko natake ang breath mo. Pero sabi ko na lang, siguro dahil kanina ka pa tahimik, kaya napanis ang laway mo. Ilang minuto din na nag-uusap tayo, nasanay na ko sa amoy kaya okay lang. J
Mula noon, lagi na kitang binabati. Napansin ko na ang hilig mo ay math, na di ko naman hilig. Kaya nakipagclose pa ko lalo sa’yo para may makopyahan ako ng assignments. Sinadya ko din na tabihan kita pag sa math class natin, baka kasi biglang magpaquiz si ma’am, at least sure naman ako na papakopyahin mo naman ako. Di ko lang sure kung galit ka ba sa mga times na mas mataas nakukuha ko sa’yo samantalang sa’yo ako nangongopya.
Bumabawi naman ako diba pag sa english? Ako nga gumawa ng speech mo, pero siyempre di ko masiyado nilagyan ng impact, para mas maganda pa rin yung akin.
Sa paglipas ng araw, naging mas close pa tayo. Di’ba joker ako? Kaya pala lagi mong pinipigilan ang tawa mo, kasi ampangit ng tunog. Pero mula ng nautot ka sa kakapigil, hinayaan mo ng tumawa ka ng tumawa kahit kitang kita ang malalaki mong gilagid at ipin. Lagi na rin tayong nagsasabay maglunch, at naging mapagbigay ka din sa’kin. Hati tayo sa baon natin, binibigyan kita ng kanin, binibigyan mo naman ako ng ulam.
Pag sa P.E. class natin, lagi akong nasa likod mo, kasi alam kong lampa ka. Medyo bumubungisngis nga ako pag nadadapa ka, pero ako  lang din naman ang bumabangon sa’yo. Ay, sorry nga pala ha?  Nung time na may swimming ang P.E. class natin, di ko sinabi na 6feet yung sa dulo ng pool, pero dun kita pinadive. Alam kong di ka masiyadong marunong lumangoy, pero kinailangan kong magstretch muna bago lumusong sa tubig.  Sabi sakin ng classmate natin nun na si Allan, parang nalulunod ka daw at kumakampay sa tubig. Hindi kita tinignan, pero kita naman kita sa peripheral vision ko. Sagot ko naman sa kanya, naglalaro ka lang sa tubig, at tinatawag mo lang ako. Nung alam kong di mo na kaya, sinagip naman kita di’ba? Gusto ko kasi ako ang knight in shining armor mo sa twing may nangyayaring masama sa’yo. J
Nung christmas party natin, natouch ako sa regalo mong t-shirt sakin. Mamahalin ata kasi signatured shirt at yung favorite ko pang design. At binigay ko naman yung regalo ko sa’yong sulat at picture frame na may picture ko. Para kang nadis-appoint nun, pero sabi ko, baka naspeechless ka lang, kasi priceless ang gift ko.
Nung JS prom natin ng 3rd year, sabi ko ikaw ang gusto kong partner. Nagtanong ka sa akin kung ano susuotin mo. Sabi ko, mas gusto ko yung simple ka lang, kasi natural ang kagandahan mo.. Sinundo kita sa bahay niyo gamit ang kotse ng tatay ko. Di na ko bumaba ng kotse, kasi dalawang oras ka na palang nag-aantay sa labas ng bahay niyo. Sorry ha kung nalate ako?
Pagdating natin sa venue, tinginan satin mga tao. Di ko lang alam kung nagandahan sila sa amerikana ko o kapansinpansin lang yung bestida mo. Kasi halos lahat ng babae, nakaformal dress, at sayo yung pinakasimple. Bumulong sakin ang barkada ko, Pare, katulong mo yan? Sabay tawa.
Aaminin ko sa’yo, di talaga sumakit ang tiyan ko nun kaya umuwi tayo agad, ayoko lang na ginaganun ka, at higit sa lahat, ayokong napapahiya ako. At di talaga ako nalate, nauna na ko sa venue, di na sana kita susunduin, kaya lang text ka ng text.
Alam mo, seloso ako. Kaya nung sinabi sakin ng crush mo na liligawan ka daw niya, sinabi ko na di mo type ang mabait at laging highest sa klase. Sinabi ko din na ayaw mo ng walang bisyo. Kaya naturn-off ka sa kanya nung naging bad boy na siya at laging lasing na pumapasok, kaya napabayaan na din niya pag-aaral niya. Natuwa naman ako nung sinabi mo sa’kin na hindi mo na siya crush.
Ayoko din na magkaroon ka ng bestfriend bukod sa akin. Naalala mo nung bigla ka na lang nilayuan ng mga  barkda mo? Sinabi ko kasing may lahi kayong aswang, at hindi mo ko tataluhin kasi ako lang ang nagtatanggol sa’yo.
Hay, namimis na kita bestfriend.  Miss na kita. Kung bakit kasi lumipat ka pa ng school kung kelan malapit na tayong magtapos, eh andito naman ako para ipagtanggol ka sa lahat ng nang-aapi sa’yo. Ang sasama man nilang lahat sa’yo, andito naman ako.
Pero salamat ha? Kasi kung di ka umalis, di sana ako nakapasok sa pagiging Magna cum laude, kasi sabi ni Dean ikaw sana yun.
Sana masaya ka din sa pagtatapos mo diyan sa bago mong school. I miss You BestFriend! You made my college life so happy and memorable!

LOVE,
Bestfriend mo Sa Dati Mong School 

0 comments: